今天自己一個去茶餐廳吃早餐，然後有個伯伯行入來，他坐了一個我目測四十多歲的女人對面，這時該女人好大聲說了一句：「哎呀阿伯，你坐第二度啦！」這時餐廳所有人都望著伯伯，伯伯好尷尬低頭起身，然後望望周圍哪裡有空位，但餐廳內其他人都以厭惡的眼神看著他，仿佛跟他說你不要過來呀！我剛巧坐在一個二人卡位，我好大聲説：「伯伯，呢邊有位呀」伯伯微笑行過來我這邊坐下，然後說了句：「妹妹，多謝，多謝」而其他人就肯定以為我是傻的，然後繼續吃東西！
為什麼其他人這麼怕這個伯伯呢？因為他身上有浸酸宿味，確實有點難頂！不過伯伯衣著企理，頭髮亦有梳理，只是衣服可能很久沒有洗過！
坦白說，一路吃早餐一路傳來一浸酸宿味，真是什麼胃口都沒有了，不過我不想令伯伯難堪，所以選擇扮沒事繼續吃！
伯伯叫了一杯熱奶茶，然後我問他，
我：伯伯淨係飲嘢夠嗱？😀
伯：夠喇，一杯要成15蚊好貴呀。☺️
我：係囉，所以叫餐抵d呀，哈哈～😂
伯：我邊有錢吖，都係屋企食麵包，不過成日坐喺屋企好悶，又鍾意嘆奶茶，所以咪嚟坐下囉。😞
我：係呀😥? 不如我請你食早餐吖！😃😃
伯：😳😳唔駛，你慳返d 錢啦！後生女要好多錢買嘢架
我：👉🏻👈🏻我唔後生架喇，😀所以你叫啦～
伯：🤔你應該仲讀緊書啫，睇你好細個咋喎。
我: 😂😂😂伯伯你真係識講嘢呀～～(大笑）
伯：（只是微笑）妹妹，睇你份人都幾有福氣吖。
我：哈哈哈哈～～～ 因為我肥呀呢？😂😂
伯：..... （然後大笑了）邊個娶著你就好喇，一定好幸福。
我：佢會幸福到死架喎，我唔想佢咁早死！
（二人喪笑）
然後同伯伯傾咗十幾分鐘，下刪好多同伯伯嘅對話！最後，
伯：今日好開心，好耐冇人同我傾計喇。
我：我都係呀，我好耐未試過主動撩男仔講嘢喇，哈哈～～～
伯：..... 哈哈哈哈哈哈～～～～～
最後伯伯都係唔肯俾我請佢食早餐，咁我就同佢講：「伯伯，我要減肥唔可以飲嘢，淨係可以飲水，你杯奶茶就當係我杯餐飲啦，我冇請你架 , 多謝你幫我飲咗杯餐飲☺️」
伯伯：你心地好，一定有運行。
我：承你貴言～～😎😎
#伯伯好開心
#我仲開心
#又俾人讚後生
#又俾人讚心地好
#又俾人祝福我有運行
#今天雖是愚人節
#但我是真心的
#沒有人比任何人高尚
#我又憑什麼看不起人呢
#其實我幾有幽默感
#如果你識笑嘅話
🤪🤪🤪🤪🤪
Search